Në një kohë kur situata nga zjarret është kritike, Ministria e Energjisë dhe Industrisë i është drejtuar konsorciumit të gazsjellësit, te cilit i kërkon angazhim për blerjen e zjarrfikësve dhe autoambulancave për disa bashki. Menjëherë pas kësaj kërkese, “TAP” konfirmon se ka kontaktuar Drejtorinë e Emergjencave Civile për të diskutuar nevojat urgjente, por edhe ato afatgjata. Kompania bën me dije se do të vendosë në dispozicion 600 fikës zjarri shpine që mund të përdoren nga zjarrfikësit në terren, 100 uniforma personale për zjarrfikës që i rezistojnë temperaturave të larta. Gjithashtu, “TAP” siguron se brenda muajit shtator, do te blihen autoambulancat për bashkitë.
