Kryeterroristi saudit Osama Bin Laden, kishte nje pasuri prej 29 milion dollarësh dhe kishte kërkuar qe ajo te përdorej per xhihad. Mediat amerikane kane publikuar pjese te testamentit te tij, qe u zbulua ne vitin 2011 ne banesën ku fshihej ne Abotabad te Pakistanit, pas ekzekutimit te tij nga forcat speciale amerikane. Truri i Al Kaedas kishte kërkuar qe familja te zbatonte vullnetin e tij dhe t’i shpenzonte paratë per Allahun. Ndonëse Bin Laden theksonte se paratë ishin ne Sudan, është e paqarte nëse ishin cash apo ne asete, ose nëse ato përfunduan ne duart e trashëgimtareve. Bin Laden jetoi per 5 vjet ne Sudan ne vitet ’90 si ftuar nga qeveria e vendit. Ne nje tjetër leter te zbuluar ai i kërkonte te atit te kujdesej per bashkëshorten dhe fëmijët ne rast se ai nuk do te jetonte me, çka tregon se ai i frikësohej faktit se mund ta vrisnin. “Nëse me vrasin, lutuni per mua dhe vazhdoni te Beni bamirësi ne emrin tim”, shkruante ai. Ne disa dokumenta te tjera kishte vlerësime per progresin e luftës se perëndimit kundër terrorizmit dhe te fushatës ushtarake amerikane ne Afganistan. Ne një prej tyre shihej frika se spiune amerikane mund te vendosnin mikrocipe tek te afërmit e tij dhe tek muxhahedinet.
