Nigerian Safety Investigation Bureau (NSIB) ka nisur një hetim zyrtar për incidentin me motorin e një avioni të Arik Air, i cili bëri një ulje emergjente në Benin City të mërkurën.
Avioni tip Boeing 737-700 po fluturonte nga Lagos drejt Port Harcourt, kur ekuipazhi konstatoi një problem me motorin gjatë fluturimit.
Sipas kompanisë ajrore, pilotët dëgjuan një zhurmë të fortë nga motori i majtë dhe vendosën të devijojnë drejt Benin Airport, në përputhje me procedurat standarde të sigurisë.
Passengers kept their cool despite the dramatic visuals from the cabin when the left engine (CFM56-7B20) of Arik Air Boeing 737-700 (Regd. 5N-MJF) failed while losing a portion of the inlet cowl.
The Nigerian Safety Investigation Bureau (NSIB) has launched a full probe into the… pic.twitter.com/3IXAOBTJo9
— FL360aero (@fl360aero) February 11, 2026
Avioni u ul në mënyrë të sigurt dhe të 80 pasagjerët dhe anëtarët e ekuipazhit zbritën pa lëndime.
NSIB konfirmoi se gjatë fluturimit u evidentuan sinjale jonormale nga motori, çka çoi në fikjen paraprake të tij dhe devijimin drejt aeroportit më të afërt të përshtatshëm. Inspektimet fillestare kanë zbuluar dëmtime të dukshme në motorin e prekur.
Në një deklaratë të nënshkruar nga zëdhënësja e institucionit, Bimbo Oladeji, thuhet se hetuesit kanë siguruar avionin dhe kanë nisur mbledhjen e provave. Procesi përfshin intervistimin e ekuipazhit dhe dëshmitarëve, si dhe marrjen dhe analizimin e regjistruesit të të dhënave të fluturimit dhe regjistruesit të zërit në kabinë.
