Dhjetëra tornado goditën qendrën e Shteteve të Bashkuara, pasditen e djeshme, duke shkaktuar dëme serioze dhe duke plagosur të pakëtn tre persona, sipas autoriteteve.
Më shumë se 70 tornado u regjistruan në të gjithë vendin, sipas Shërbimit Amerikan të Motit (NWS), kryesisht rreth Omaha, Nebraska dhe afër Iowa-s.
Dhjetra ndërtesa u dëmtuan, trenat dolën nga shinat dhe linjat e energjisë elektrike u ndërprenë.
Në Elkhorn, një periferi e Omahas, fotot tregojnë shtëpi të rrafshuara, çati të hedhura në erë dhe pemë të zhveshura nga gjethet.
Massive tornado hits Lincoln, NE, while Starlink connects the car to the best internet pic.twitter.com/pmLmr71Nei
— Teslaconomics (@Teslaconomics) April 26, 2024
“Ekipet e shpëtimit po vazhdojnë të kontrollojnë banesat e prekura dhe të ofrojnë ndihmë për çdo të lënduar”, tha policia e Omaha në një deklaratë.
Më në jug, afër qytetit të Lincoln, një tornado goditi një strehë industriale e cila u shemb. Rreth 70 persona ishin në të dhe arritën të largoheshin, por tre prej tyre pësuan lëndime të lehta, thanë autoritetet e Lancaster County.
NWS lëshoi disa paralajmërime për tornado për shtete të ndryshme të SHBA dje. Ai parashikon gjithashtu se fenomeni do të vazhdojë edhe sot dhe do të arrijë deri në Teksas.
Another iPhone video from just southwest of Harlan, IA at 6PM this evening. Unbelievable motion on this #tornado #iawx pic.twitter.com/8utuJQ7p7I
— Brennan Myers (@MyersMadnesss) April 27, 2024
Tornadot, një fenomen spektakolar i motit që është i vështirë të parashikohet, janë relativisht të zakonshme në SHBA, veçanërisht në pjesët qendrore dhe jugore të vendit./vizionplus.tv
