Pas dy seancave, gjykata e Dibrës vendosi të vazhdojë gjykimin e dosjes 184, një prej çështjeve më të nxehta lidhur me shit-blerjen e votave.
Robert Aga, ish-shef i komisariatit Dibër, Drini Gjeci ish-drejtor i Arsimit, Nuri Meda, administrator i Njësisë Administrative Tomin dhe Hasan Hoti nga njësia administrative Lurë do përballen me akuzën e tjetërsimit të votës në zgjedhjet e pjesshme lokale të vitit 2016.
Ndërkohë është rrëzuar padia e Partisë Demokratike. Për përfaqësuesin ligjor të PD, vendimi i gjykatës ka qenë i padrejtë dhe i pabazuar në ligj pasi janë pushuar akuzat për disa persona.
INDRIT SEFA – PËRFAQESUESI LIGJOR I PD
Ne do ta ankimojmë sepse është një vendim i padrejtë, mendojmë se gjykata një gjyqtar që është dhe magjistrat i ri dështoi të japë drejtësi dhe u bë pjesë e një sistemi të vjetër dhe të kalbur të drejtësisë. Palët që të gjithë paleët në sistemin e drejtësisë nxitojnë për ti vënë kapak kësaj historie është dhe më kriminale”
Dosja kaloi për gjykim pas tre vitesh hetime. Mes të akuzuarve ka qenë dhe kryebashkiaku i Dibrës, Dionis Imeraj si dhe shtetasit Imer Lala, Arben Keshi, Bekim Krashi dhe Afrim Mikli, por akuza ndaj tyre u pushua për arsye proceduriale.
Dosja184, trazoi politikën shqiptare pas publikimit të përgjimeve në gazetën gjermane BILD. Ajo u kalua nga Dibra në Tiranë e anasjelltas disa herë, për t’u vendosur përfundimisht gjykimi në Peshkopi.
