Kreybashkiaku Erion Veliaj, i cili garon për një mandat të dytë në Bashkinë e Tiranës, nuk I ka krusyer akuzat në drejtim të opozitës.
Në fjalën hapëse të fushatës së PS, Veliaj tha socialistët nuk po mendojnë për zgjedhjet por për gjeneratën e ardhshme të shqiptarëve. Kryebashkiaku tha se Shqipëria prej katër vitesh ka ndryshuar tërësisht, ndërsa të vetmes që I ka ngelur ora është SHQUP-i.
“Mbaj mend ditën e parë në bashki, i kishte mbetur ora, pas 4 vitesh Tiranës e Shqipërisë i ka ardhur ora por SHQUP-it i ka mbetur ora në vend. S’mund t’i themi fëmijëve se një grup fëmijësh nuk janë gati të vijnë në betejë. Është betejë për fëmijët për të ardhmen, ndaj më 30 qershor duhet të fitojë Shqipëria e fëmijët e Shqipërisë kudo që janë.”
Sipas Veliajt, në qeverisjen Rama vendi ka bërë progresin më të madh. Ai bëri thirrje që shqiptarët të votojnë kandidatët e PS, me qëllim që ky progres të shtrihet në të gjithë vendin.
“Në qeverisjen e Ramës, Shqiperia ka bërë progresin më të madh, ama në 30 qershor e kemi vetë në dorë t’i japim fund tranzicionit e të jemi vendi dinjitoz. Gjatë këtyre viteve jemi munduar ku ka pas nevojë, ku ka pas mundësi për të ndrequr, por jam i bindur që c’ka kemi bërë ne Tiranë do e bëjmë në gjithë territorin.”
