Presidenti Ilir Meta përcolli një mesazh ngushëllimi për ndarjen nga jeta të shkrimtarit të njohur, Moikom Zeqo. Përmes një postimi në “Facebook”, Meta vlerësoi figurën e tij dhe shtoi se largimi i tij nga kjo jetë ka shkaktuar shumë dhimbje. Ai shprehu ngushëllime edhe për familjarët e studiuesit.

“Thellësisht i tronditur për ndarjen nga jeta të Moikom Zeqos, mendimtarit të vyer, eruditit, zërit të fuqishëm, penës së fortë dhe poliedrike, intelektualit të angazhuar e të përkushtuar ndaj së mirës publike e interesit kombëtar, dhe njërit ndër shkrimtarët më prodhimtarë të letërsisë sonë. Me një personalitet njerëzor dhe intelektual të jashtëzakonshëm, dishepull i mirësisë, i miqësisë dhe humanizmit, i përkushtuar me fisnikëri ndaj virtytit dhe lirisë, përmes një jete të mbushur me kontribute të shumta e të çmuara, si shkrimtar, studiues, poet, arkeolog, politikan, eseist dhe si filozof, trashëgimia tepër e vyer akademike dhe kulturore që la pas Moikomi do shërbejnë përherë si piketa të rëndësishme në kulturën dhe historinë e së ardhmes të kombit tonë. Ngushëllimët më të sinqerta Lidës së dashur, fëmijëve, të afërmve, miqve e bashkëpunëtorëve të panumërt, për këtë humbje të madhe që le pas shumë dhimbje.”

Moikom Zeqo u nda nga jeta në moshën 71-vjeçare pas një beteje të gjatë me një sëmundje të rëndë.

Leave a Reply

Your email address will not be published. Required fields are marked *