Teherani ka paralajmëruar se është i gatshëm për sulme hakmarrëse ndaj bazave ushtarake amerikane në rajon, pas përshkallëzimit të fundit të tensioneve me Shtetet e Bashkuara.
Zyrtarë të lartë të Gardës Revolucionare, Ministrisë së Jashtme dhe presidenti Masoud Pezeshkian kanë dënuar sulmet amerikane, duke theksuar se Irani do të mbrojë interesat dhe sigurinë e tij kombëtare.
Lexo edhe :
Sipas autoriteteve iraniane, sulmet amerikane kanë dëmtuar dy rezervuarë të ujit të pijshëm në jug të vendit, duke lënë rreth 20 mijë civilë pa furnizim të rregullt me ujë.
Në kundërpërgjigje, forcat e armatosura iraniane pretendojnë se kanë goditur tre baza ushtarake në Bahrein, Kuvajt dhe Jordani, përfshirë një hangar ku ndodheshin avionë luftarakë F-35.
Ndërkohë, Ministria e Jashtme iraniane deklaroi se Teherani mbetet i hapur për dialog dhe nuk po largohet nga tryeza e negociatave, por paralelisht po demonstron gatishmërinë e tij ushtarake, veçanërisht në lidhje me ngushticën strategjike të Hormuzit.
