Ende pa përfunduar, si një ndër alternativat më të reja për artin e kulturën, Turbina hap sërish dyert.
Pas bienales së artistëve të rinj Mediterranea 18, ku artistët shqiptarë, por edhe nga shumë vende të Europës ekspozuan veprat në disa ambiente të saj, Turbina ofron një tjetër alternativë: ekspozitën e skulptorit Sadik Spahija.
Kuruar nga Edi Muka, kjo ekspozitë që shoqërohet edhe me performance baleti e instalacione, ka si kryefjalë rrënojat dhe mbetjet industriale të fabrikave të mbyllura gjatë viteve ’90.
Nën titullin “Vox machina” ekspozita do të jetë e vizitueshme për publikun që nga 1 nëntori.
