Siguri, paqe dhe begati u premtoi amerikaneve kandidati republikan per president Donald Trump, pasi pranoi kandidimin ne konventën e Ohajos. Ne fjalimin 75 minutesh te shoqëruar nga duartrokitjet e mbështeturve, Trump u zotua te luftoje krimin dhe te riktheje rendin.
“Amerikanet qe po shohin sot ketë fjalim, i kane pare imazhet e dhunës te kohëve te fundit ne rrugët tona dhe kaosin ne komunitetet tona. Shume kane qene dëshmitare te dhunës dhe disa edhe viktima te saj. Kam nje mesazh per te gjithë: Krimi dhe dhuna qe sot ka prekur vendin tone, do te përfundoje se shpejti.”
Trump përsëriti qëndrimin ndaj emigracionit te paligjshëm, nje çështje e prekur shpesh gjate fushatës se tij.
“Do te ndërtojmë nje mur te madh per te ndalur emigracionin, gangsterët dhe dhunën. Do te ndalojmë futjen e drogës ne komunitetet tona.”
Kandidati republikan akuzoi rivalen demokrate Hillary Clinton qe sipas tij trashëgoi vdekje, shkatërrim, terrorizëm dhe dobësi.
“Amerika është me pak e sigurte dhe bota me pak e qëndrueshme, sesa kur Obama vendosi Clinton ne krye te politikes se jashtme. Le ta mundim ate”.
Pjese e fjalimit ishte edhe premtimi per zhvillim ekonomik dhe miliona vende te reja pune. Kandidimi i Trump ishte nje rast unik ne politiken amerikane, duke pasur parasysh se ai është nje person pa përvoje politike. Tashme vëmendja është zhvendosur ne kampin demokrat, qe ditën e hene nis konventën ne Filadelfia.
