Një trend i ri po qarkullon në TikTok midis prindërve: ushqyerja e foshnjave me gjalpë. Në disa video, prindërit japin gjalpë të plotë, organik, direkt në dorë ose në gotë, duke pretenduar se kjo ndihmon foshnjat të ndihen më të ngopura, të flenë më mirë dhe të rriten shëndetshëm. Disa prindër madje përziejmë gjalpin në qumësht para gjumit, ose sugjerojnë se mund t’u jepet sasi e pakufizuar deri në dy vjeç.
Megjithatë, reagimet e përdoruesve të tjerë shpesh janë të habitura, pasi komuniteti shkencor lidh konsumin e lartë të yndyrnave të ngopura me sëmundjet kardiovaskulare, një nga shkaqet kryesore të vdekjeve tek të rriturit.
@abbyexplainsitall The best sleep hack for kids – butter – (not margarine) my kids love butter and I let them eat as much as they want. The fats help keep them satiated and that helps with sleeping! My kids sleep from 6:30p – 6:30a and still take amazing naps throughout the day. We also use avocados – Healthy fats are great for brain development and cognitive function. #sleeptraining #motherhood #babyhacks #toddlersoftiktok ♬ original sound – Abby
Çfarë thonë ekspertët
Dietologët dhe pediatrit theksojnë se foshnjat kanë nevoja të larta energjetike dhe yndyrnat e ngopura luajnë një rol të rëndësishëm në rritjen dhe zhvillimin e trurit. Amy Reed, dietologe në Cincinnati dhe përfaqësuese e Akademisë së Ushqimit dhe Dietetikës, shpjegon se rreth 50% e kalorive në qumështin e gjirit dhe formulë janë nga yndyrnat, të domosdoshme për energjinë dhe zhvillimin e foshnjës.
Megjithatë, përdorimi i tërë një cope gjalpë si ushqim i plotë nuk ofron të gjitha nutrientët e nevojshëm. Pediatrja Molly O’Shea nga Bloomfield, Michigan, thekson se “të japësh një cope të tërë gjalpë nuk përbën një ushqim të ekuilibruar”. Reed shton se prindërit shpesh japin gjalpë në këtë formë sepse është më e lehtë për foshnjat ta mbajnë, jo sepse konsumojnë vërtet të gjithë copën.
Yndyrnat dhe kufizimet për foshnjat
Ekspertët bien dakord se nuk ka një limit të rreptë për yndyrnat e ngopura për fëmijët 6 muaj deri 2 vjeç, për shkak të nevojave për rritje dhe zhvillim truri. Pas dy vjetësh, udhëzimet ndryshojnë dhe reduktimi i yndyrnave të ngopura bëhet i rëndësishëm për parandalimin e sëmundjeve kronike.
Reed sugjeron që një ose dy lugë gjalpë në ditë është e sigurt, por prindërit duhet të përqendrohen në ushqime të larmishme për të mësuar foshnjat të njohin shijet dhe të zhvillojnë zakone të shëndetshme ushqimore.
@heatherelizabethfrey the way she tried to say “butter” 🥹😂 #babiesoftiktok #funnybabyvideos #funnyvideos #babygirl #toddlersoftiktok #momtok #babieseating #foryou #toddlermom ♬ original sound – heather | sahm x 2
Alternativa të shëndetshme
Gjalpi ka përmbajtje të vogël në vitamina A dhe D dhe pothuajse aspak proteinë, ndaj rekomandohet të përdoret si shtesë: pak gjalpë i shkrirë në pure perimesh ose ushqime të tjera, ndërsa burime të tjera të yndyrës për foshnjat mund të jenë avokado, humus dhe peshk. Përdorimi i gjalpit për të “mbajtur foshnjat të ngopura” mund të ketë efekt të kundërt, duke penguar marrjen e ushqimeve të tjera të nevojshme.
Ekspertët gjithashtu këshillojnë që të shmanget përdorimi i gjalpit për të rregulluar gjumin e foshnjës. Një snack i vogël si kos ose bukë me gjalpë dhe arra mund të jetë po aq efektiv. Pediatri Dr. Tommy Martin nënvizon se gjumi i foshnjës duhet të lidhet me zhvillimin e trurit dhe jo me “truke ushqimi” që thjesht i bëjnë të flenë.
Pediatrja O’Shea këshillon prindërit të konsultohen me mjekun e fëmijës para se të ndjekin këto trende, për të vlerësuar sigurinë, vlerën ushqyese dhe efektet afatgjata në shëndetin e foshnjës.
/vizionplus.tv
@animalbased.evelyn♬ Originalton – animalbased.evelyn🇩🇪
