Qindra mijëra njerëz vlerësohet se do të preken në ditët në vijim nga greva e punëtorëve të Hekurudhave Gjermane dhe Lufthansa.
Shoqata Gjermane e Drejtuesve të Trenave (GDL) ka thirrur anëtarët e saj në grevë nga ora 02:00 e së enjtes deri në orën 13:00 të së premtes. Në trenat e mallrave greva tashmë ka nisur dje (e mërkurë) në orën 18:00 dhe do të përfundojë të premten në orën 05:00.
Deutsche Bahn (DB) ka njoftuar një orar urgjent me trena më të gjatë, por rreth 80% e linjave të rregullta pritet të anulohen. Punëtorët dhe punëdhënësit kishin rënë dakord për një “armëpushim” deri në fillim të marsit, pas dështimit të ri të marrëveshjeve kolektive, por sindikata e makinistëve refuzoi sërish propozimet e kompanisë dhe shpalli sërish aksion grevë
Greva edhe në Lufthansa
Sipas Lufthansa, vlerësohet se veprimet e punonjësve do të prekin më shumë se 200,000 pasagjerë.
Nga ora 04:00 e mëngjesit fillon greva e paralajmëruar nga organizata sindikale Ver.di për stafin tokësor të Lufthansa-s. Pasagjerët e linjës ajrore më të madhe në Evropë duhet të përgatiten për anulime dhe vonesa të fluturimeve deri të paktën në orën 07:00 të së shtunës. Megjithatë, normalizimi i plotë i orarit të fluturimeve pritet shumë më vonë. Sipas Lufthansa, vlerësohet se veprimet e punonjësve do të prekin më shumë se 200,000 pasagjerë. Ver.di, i cili përfaqëson rreth 25,000 punëtorë të Lufthansa në terren, po kërkon të paktën një rritje mujore prej 500 euro dhe një “kompensim të inflacionit” të njëhershëm dhe deri më tani ka hedhur poshtë të gjitha kundërpropozimet e kompanisë, duke përmendur ndër të tjera fitimet rekord që ajo shpalli. /vizionplus.tv
