Shefi i diplomacisë amerikane shkoi sot në Zonën e Çmilitarizuar (DZM) që ndan dy Koretë për të parë Veriun nga afër, pasi konstatoi dështim të 20 viteve përpjekjeve për denuklearizimin e Phenianit.
Tillerson mbërriti në bazën ajrore të Osanit në bordin e një helikopteri ”Blackhawk” me destinacion DMZ, duke e bërë një prej sektorëve më të fortifikuar në botë.
Ai u takua me komandantin e 28 000 ushtarëve amerikanë të vendosur në Korenë e Jugut.
Ai vizitoi zonën e përbashkët të sigurisë të Panmunjomit, mbajtur që prej fundit të luftës së Koreve (1950-53) nga Koreja e Veriut dhe komandimi i OKB-së dominuar nga SHBA-ja.
“Pas disa viteve diplomaci dhe sanksionesh të paefektshme ndaj Phenianit, një qasje e re duhet vendosur”, theksoi ai.
“Është e rëndësishme të pranojmë se përpjekjet politike dhe diplomatike të 20 viteve të fundit për të shtyrë Korenë e Veriut të denuklearizohet kanë dështuar”, shtoi ai.
