Në protestën e zhvilluar mbrëmjen e djeshme te Komisariati nr.3, ku po mbahen një pjesë e protestuesve të arrestuar para Kuvendit, janë regjistruar tensione dhe trazira.
Me thirrjet “Lironi çunat”, një grup qytetarësh marshuan mbrëmjen e djeshme nga Kryeministria te komisariati. Situata nisi të përshkallëzohej kur protestuesit thyen xhamat e godinës së policisë.
Në këtë moment policia ka ndërhyrë me makinën që hedh ujë për të shpërndarë protestuesit, të cilët u larguan nga zona pas mesnatës.
Kujtojmë se dje është mbajtur protesta e 35-të kundër qeverisë. Ndërkohë pjesë e protestës së djeshme u bë dhe diaspora.
