Policia në Hong Kong qëlloi dhe vrau një burrë, i cili po tentonte të sulmonte me thikë një grua në qendrën tregtare Tuen Mun Town Plaza, pasditen e së enjtes (15 janar).
Sipas pamjeve të publikuara në rrjetet sociale, burri shihet duke mbajtur një thikë në dorë dhe duke marrë peng një grua, të cilën e kap nga çanta. Në momentin kritik, efektivët e policisë arritën ta largojnë gruan nga rreziku dhe më pas hapën zjarr ndaj agresorit.
Hong Kong police have shot and killed a knife wielding man who was holding a girl hostage.
It is said that they are female police officers. pic.twitter.com/caqF9fNSiI— Sharing Travel (@TripInChina) January 16, 2026
Sulmuesi u qëllua pesë herë dhe u dërgua me ambulancë në spital, ku ndërroi jetë për shkak të plagëve të marra.
Në video duken gjithashtu dhjetëra persona që largohen me vrap nga vendngjarja, të kapluar nga paniku dhe frika. Shkaqet e incidentit mbeten ende të paqarta dhe janë nën hetim nga autoritetet.
/vizionplus.tv
