Kryeministri Edi Rama ishte i pranishëm ditën e sotme në Gjirokastër, ku zhvilloi një takim me anëtarët e PS-së dhe qytetarët, ku në fokus të diskutimit ishte Reforma Territoriale.
Përmes një postimi në rrjetet sociale, Rama ka dhënë detaje nga takimi, ku, sipas tij, u diskutua për bashkimet e Libohovës-Gjirokastër, Memaliaj-Tepelenë dhe Këlcyrë-Përmet.
Sipas tij, këto bashkime vijnë në funksion të fuqizimit ekonomik e social të komuniteteve dhe racionalizimit të burimeve njerëzore në rrafshin vendor.
Postimi i Ramës:
Gjirokastër, diskutim pa media për bashkimet e Libohovës – Gjirokastër, Memaliaj – Tepelenë, Këlcyrë – Përmet, në funksion të fuqizimit ekonomik e social të komuniteteve dhe racionalizimit të burimeve njerëzore në rrafshin vendor, si edhe përgatitjes për punën me fondet e anëtarësimit në BE
