Arabia Saudite ka ndërpre marrëdhëniet diplomatike me Iranin, duke i lënë 48 orë kohë zyrtarëve nga ky shtet për të lënë mbretërinë. Vendimi i sauditëve vjen pas rebelimit dhe sulmit të ambasadës së saj në Teheran një ditë më parë. Ministri i jashtëm saudit Al Jubeir tha se Irani nuk mund të lejohet që të cenojë sigurinë në vend, duke nxitur formimin e celulave terroriste. Tensionet mes dy vendeve nisën pasi 47 persona, mes te cilëve edhe kleriku shiit, Nimr Al Nimr u dënuan me vdekje dhe u ekzekutuan. Ky i fundit akuzohej për nxitje të terrorizmit dhe si një nga udhëheqësit kryesor të protestave në arabi gjatë pranverës arabe. Shqetësime për tensionimin e situatës që mund të prodhojë një konflikt të ri ne zonën e nxehtë të lindjes se mesme, ka shprehur dhe Uashingtoni. Ndërkaq Rusia deklaron se është e gatshme te ndërmjetësoje per uljen e tensioneve. Sipas mediave ruse, qe i referohen nje funksionari te Ministrisë se Jashtme, Moska dëshiron te ftoje ministrat e Jashtëm Iranian e saudit per bisedime ne mbështetje te dialogut konstruktiv dhe është e interesuar ne mirëkuptimin mes shiiteve e suniteve, si dhe per unitetin e botes muslimane.
Tensioni mes Arabisë dhe Iranit
