Të veshur si babagjyshë, tre persona mashtrojnë të moshuarit dhe iu vjedhin kasafortën

Festat janë shfrytëzuar nga tre persona për realizuar një vjedhje në Greqi. Tre të panjohur, të veshur si babagjyshë, kanë trokitur në derën e një banese, duke pretenduar se do të ‘dhuronin spektakël’, për dy të moshuarit që ndodheshin të vetëm.

Teksa dy nga ‘babagjyshët’ performonin, një i tretë u ngjit në katin e katërt të banesës dhe vodhi kasafortën që gjendej aty. Sipas autoriteteve, në të ndodheshin para, një orë luksoze, karta bankare, çelësa makine dhe dokumente personale.

Grabitësit janë larguar në drejtim të panjohur, ndërsa policia po punon për kapjen e tyre./vizionplus.tv/