Mjeku infeksionist, Tritan Kalo deklaroi se të rinjtë në autobusë nuk respektojnë masat anti-COVID. Përmes një postimi në rrjetet sociale, ai tha se ata nuk përdorin maska dhe as nuk ruajnë distancën fizike.

“Rënia në kënaqësi dhe mos marja e masave nuk i shërbejnë përballjes së suksesshme me sfidën ndaj Sars-Cov2/Covid-19….Unë jam përdorues i rregullt i këtyre linjave, dhe ajo që shoh tregon se jo pak individë, por sidomos të grup-moshës 18-35 vjeç hynë në këto autobusa pa maska….Njëkohësisht jo pak prej tyre vrëngosen kur u kërkon të rrinë pak të distancuar nga të tjerët, pa përmendur edhe paedukatësinë e tyre në motivimin e kësaj sjellje të rrezikshme për ata/ato vetë ose për të tjerët rreth tyre.”

Kalo denoncoi edhe sjelljen e policisë bashkiake, sipas të cilit ata futen në urbanë, bëjnë disa foto dhe nuk marrin asnjë masë ndaj atyre që nuk zbatojnë masat.

Mjeku theksoi se të gjithë duhet të bëjnë kujdes sepse tani virusi nuk po “seleksionon” më.

“Në Shërbimin e Sëmundjeve Infektive të QSUT ose në Spitalin COVID-19 janë shtuar rastet e shtrimeve të të rinjve si edhe humbjet e jetës prej tyre…..Infeksioni nga Sars-Cov2/Covid nuk po njeh më moshë prekje si dhe marrje jete……Reagimi ynë si qytetarë nuk mungon, por ligjin në këtë rast duhet ta zbatojnë organet ligjzbatuese, ku hyn edhe policia bashkiake duke mos i lejuar vijimin e udhëtimit këtyre shtetasve të pa bindur, për të evituar ndërkohë përplasjet verbale dhe ndoshta edhe fizike në mes të qytetarëve, të cilët udhëtojnë në këto linja të qarkullimit urban.”

Leave a Reply

Your email address will not be published.