Të pathënat e muzeve…

Muzetë rrëfejnë histori, por më shumë se ato që përcjellin përmes ekspozimeve, ka plot të pathëna. Historitë tabu janë edhe një sfidë për muzetë në botë, por në vendin tonë ekspertët pranojnë se e shkuara ka kyçur më shumë të vërteta, shumë më shumë se sa mund të zbulojnë muzetë tonë.

Historitë e kontestuara ndoshta nuk janë detyrë vetëm e muzeut historik kombëtar, ndaj nevoja për më shumë dyer muzealë është e pranishme edhe tiranë.

Një takim në Muzeun Historik Kombëtar solli në vëmendje pikërisht këtë ngërç, krijimin e një Muzeu Etnografik a Arkeologjik, por edhe sfida të tjera si vizitueshmëria, kurimi dhe edukimi i shoqërisë që në bankat e shkollës.