Humbet një turist i huaj në Himarë, nis operacioni i kërkim-shpëtimit

Një shtetas i huaj ka humbur në zonën e Iljasit, në Bashkinë Himarë, ku po zhvillohet një operacion kërkim-shpëtimi nga ekipet e Shpëtimit Alpin dhe Speleologjik të Shqipërisë, në bashkëpunim me Policinë.

Sipas informacioneve paraprake, personi ndodhet në gjendje të mirë shëndetësore. Ekipet vijojnë kërkimet për lokalizimin e tij dhe nxjerrjen në një zonë të sigurt.

Eksplorimi i natyrës dhe turizmi aventurë po tërheqin gjithnjë e më shumë vizitorë të huaj, por mungesa e informacionit për terrenin, orientimi i vështirë dhe nënvlerësimi i rreziqeve mund t’i kthejnë këto udhëtime në situata problematike.