Qytetarë të Skraparit janë nisur drejt kryeqytetit për t’iu bashkuar tubimit të thirrur nga presidenti Ilir Meta. Pavarësisht paralajmërimit të policisë së Beratit për intensifikimin e kontrolleve në rrugët dalëse nacionale nga Berati drejt Tiranës, rreth 50 automjete të vogla me anëtarë të LSI-së Skrapar, janë organizuar për t’u nisur në një autokolonë të vetme.
Ndërkohë, drejtues të degës së LSI-së Skrapar konfirmojnë se më herët janë nisur edhe 30 automjete të tjera private nga qyteti i Skraparit në orare të ndryshme.
Nga ana tjetër, nga Berati janë nisur rreth 110 automjete për t’u bërë pjesë e protestës në mbrojtje të kushtetutës.
