Skënderbeu mposhti Tiranën me rezultatin 2-1 në sfidën e vlefshme për javën e 13-të të Kategorisë Superiore.

 

Një triumf i merituar për skuadrën e Ilir Dajës, që e dominoi pjesën më të madhe të lojës, duke shënuar 2 herë më anë të Krasniqit në pjesën e parë dhe Ndeki në fundin e ndeshjes.

 

Ndërkohë nga ana tjetër, bardheblutë bënë shumë pak në këtë përballje, teksa golin e vetëm e shënoi Hasani në minutën e 93-të.

 

Korçarët duke u nisur edhe nga mungesat e shumta në këtë takim janë limituar në lojë duke kaluar nga një skuadër që dikton në fushën e lojës përballë kundërshtarit në një ekip që mbron dhe kundërsulmon.

 

Nga ana tjetër, Tirana nuk bëri asgjë më shumë se Skënderbeu në këtë ndeshje pavarësisht se iniciativa iu la në pjesën më të madhe bardhebluve

.

Humbja përballë Skënderbeut, nuk u prit mirë nga ana e teknikut bardheblu,  Julian Ahmataj I cili dha dorëheqjen pas ndeshjes.

 

Me këtë fitore Skënderbeu parakalon Tiranën duke u ngjitur në vendin e 4-t, me 20 pikë, ndërkohë që kryeqytetasit janë pozicionuar në vendin e 6-të me 19 pikë

Leave a Reply

Your email address will not be published. Required fields are marked *