Skadenca e kartës së identitetit mund të bëhet pengesë për 1.2 milionë shqiptarë që të mos votojnë dot.
Nënkryetarja e KQZ, Lealba Pelinku deklaroi për “Quo Vadis” se pandemia ka krijuar tek qytetarët një stepje dhe frikë për të shkuar në zyra për të aplikuar.
Sipas saj, atyre u mungojnë edhe shtysa të tilla si subvencionimet, duke qenë se jemi në kohë krizash.
“900 mijë dhe akoma më keq, 1.2 milionë priten që të skadojnë deri në 25 prill. Është një numër jashtëzakonisht shumë i lartë. Është një numër i cili për shkak të shumë arsyeve ëhtë tejet i lartë dhe po të kemi parasysh që jemi në periudhë pandemie; po të kemi parasysh që nuk ka një skemë subvencionimesh, sepse duhet të kemi parasysh që ka edhe kategori të personave të cilët edhe atë 15 mijë lekëshin e vjetër nuk e disponojnë, ose e përdorin për diçka tjetër me jetike. Gjithashtu periudha e pandemisë nuk mund ta mohojmë që përbën një farë deterenti për individët që e shohin me frikë të paraqiten në zyra të mbipopulluara. Por ajo që duhet thënë është se e drejta e votës është një e drejtë kushtetuese. Prandaj qeveria duhet të marri të gjitha masat.”
