Shefi i Urgjencës Kombëtare, Skënder Brataj provoi këtë të mërkurë se ai me të vërtetë ka qenë i sëmurë me COVID-19.
Pak ditë më parë avokati Altin Goxhaj e akuzoi se ai thjesht u shtir.
Por si provë që tregon të kundërtën, Brataj shpërndau në “Facebook” një postim të një kolegut të tij.
“Sot lexova këtë status, ose më sakt ma dërguan! Është e vërtetë që unë dhe Dr. Renato Osmëni nuk kemi sipmati për njëri/tjetrin. Por kur e lexova se ai shkruante:
“Nuk është se kam ndonjë respekt apo vlerësim për Skënder Brataj! Por konfirmoj që ka qenë i infektuar me COVID-19 dhe jam 100 % i sigurtë! Lajmet se e detyroi Rama për fake neës janë pa sens! Për çdo njeri uroj shëndet dhe paqe”!
Të them të drejtën e admirova, pavarësisht mendimeve apo të këndvështrimeve tona. E vlerësova jo sepse shkruajti për mua se e di që nuk e bën, por për të vërtetën, për sensin e përgjegjësisë profesionale, për figurën e mjekut , për solidaritetin midis mjekëve! Shumë njerëz mendojnë se unë nuk u sëmura nga COVID-19!”
Edhe një herë tjetër, Skënder Brataj u kujtoi njerëzve se çdo njeri rrezikohet nga koronavirusi.
“SarsCov2/COVID-19 ekziston, kërcënon jetët e çdo shqiptari, prandaj vetëm së bashku mund t’ia dalim. Edhe unë për çdo njeri uroj shëndet dhe paqe!”
