Një operacion i gjerë arrestimesh po përgatitet nga Ministria e Punëve të Brendshme në Maqedoni.
I koduar me emrin “Shpata” aksioni ka për qëllim goditjen e krimit të organizuar dhe korrupsionit institucional.
Në shënjestë janë vënë funksionarë të qeverisë së ish kryeministrit Gruevski në Maqedoni, shkruan agjencia INA.
Një goditje e tillë është paralajmëruar më herët edhe nga kreu i Ministrisë së Brendshme, Oliver Spasovski i cili deklaroi se prioritet i qeverisë së re është goditja në themel e krimit dhe korrupsionit.
