Ndërmarrja e Punëve Publike në Bashkinë e Pogradecit ka filluar nga puna për pastrimin e bregut të liqenit. Kjo në kuadër të masave për sezonin e ri turistik.
Jane 28 km vijë liqenore, nga Lini e deri në Tushemisht, që do të pastrohen nga ana e bashkisë.
Pastrimi ka nisur prej dy ditësh dhe punonjësit e bashkisë janë përqendruar nga zona e Vilave 3 deri në Tushemisht ku edhe ndotja është më e madhe.
Sipas nenkryetarit të Bashkisë së Pogradecit, Polikron Balliu përgjatë gjithë sezonit të dimrit e gjithë kjo zonë mbushet me alga e mbetje si dhe me mbeturina që hidhen nga qytetarë të papërgjegjshëm.
Nënkryetari thote se pavarësisht se ndotja e këtij viti ka qene teper e madhe, bashkia është e vendosur që e gjithe vija liqenore të pastrohet për të ofruar kushte optimale per sezonin turistik që po afron.
Balliu ka bërë gjithashtu me dije se aktualisht është duke u punuar edhe për përcaktimin e zonave të plazheve private por edhe atyre publike, si dhe vendosjen e kullave të vrojtimit.
