Gjendet një tjetër sasi kokaine në kontenierët për llogari të një kompanie bananesh në Portin e Durrësit.
Në kuadër të operacionit polior të koduar “Rada”, u kapën dhe u sekuestruan 7.25 kilogramë lëndë narkotike e dyshuar kokainë.
Kjo është hera e tretë që kapet drogë në kontenierët e kësaj kompanie. Më datë 13 korrik u kapën 11.6 kg kokainë, më datë 23 u kapën 6.5 kg dhe sot janë gjetur 7.25 kg kokainë.
“Në vijim të operacionit “Rada” të nisur më datë 13.07.2021, në Portin e Durrësit, ku nga Task Forca permanente e përbërë nga Policia Kufitare, Strukturat Hetimore të Drejtorisë Vendore të Policisë Durrës dhe autoritetet doganore të Portit u gjetën dhe u sekuestruan 11 kg e 675 gr. lëndë narkotike kokainë, e duke vijuar përsëri në datën 23.07.2021, ku u gjetën dhe sekuestruan 6.5 kilogramë të tjera lëndë narkotike kokainë, mbaditen e sotme si rezultat i veprimeve hetimore, është bërë e mundur gjetja dhe sekuestrimi i një tjetër sasie lëndë narkotike kokainë. Gjatë kontrollit të imtësishëm të ushtruar nga Task Forca permanente që vepron në Portin e Durrësit në disa kontenierë për llogari të kompanisë “Alba Exotic Fruit”, u gjet dhe u sekuestrua 7.25 kilogramë lëndë narkotike e dyshuar kokainë. Taks Forca permanente që operon në Portin e Durrësit vijon veprimet hetimore për dokumentinin e plotë të veprimtarisë kriminale të trafikimit të kokainës”, thuhet në njoftim.
Vijon…
