Apeli i Posaçëm ka lënë të pa ndryshuar masën e “arrestit në burg”, për Safet e Behar Bajrin.
Burime për Vizion Plus konfirmuan se brenda ambienteve të Apelit të Posaçëm Antikorrupsion Bajri mohoi akuzat.
“Kam qenë në diskotekë në Tiranë me të dashurën time. Nuk kam lidhje as njohje, as motiv për çfarë akuzohem. Jam hetuar në 2018 për këtë çështje, shkova në burg, tani prapë në burg”, mësohet të ketë thënë ai.
Të njëjtin vendim Apeli dha edhe për dy personat e tjerë që dyshohet se janë të përfshirë në ekzekutimin e Licit, Astmer Bilalin dhe Behar Bajrin.
SPAK i akuzon ata se në bashkëpunim me njëri- tjetrin kanë organizuar dhe kanë kryer vrasjen me paramendim në formën e grupit të strukturuar kriminal./vizionplus.tv
