Numri I banesave të prekura nga tërmeti dhe përmbytjet ka shkuar deri më tani në 1034.
Një gjë të tillë e ka konfirmuar për Vizion Plus nënkryetarja e Bashkisë Tiranë, Anisa Ruseti.
Në një lidhje live për edicionin qëndror të lajmeve, nga një qendër sociale, Ruseti theksoi se bashkia po punon me kapacitet të plotë me qëllim ardhjen në ndihmë të të gjitha familjeve të prekura gjatë këtyre ditëve.
Ajo tha gjithashtu se po bëhet monitorimi I të gjitha banesave me qëllim dëmshpërblimin e të gjithë banorëve të prekur.
Intervista e plotë
Ju ndodheni në një nga qendrat sociale të ngritura nga Bashkia e qytetit për të përballuar çfarë konkretisht?
Në të vërtetë ne joemi me kapcaitet të plotë në të pestë qendrat sociale të bashkisë Tiranë të cilat janë kthyer në qendra emergjence për të pritur të gjithë ata që do duan të evakuohen nga shtëpitë që janë prishur nga tërmeti I ndodhbur ditën e shtunë ose nga disa nga shtëpitë që sot janë përmbytur nga reshjet e dendura të ndodhura gjatë natës.
Cilat janë shifrat e fundit që keni ju si bashki? Cili është numri I njerëzve që do të kenë nevojë të strehohen në këto qendra?
Në të vërtetë numri është duke u updetuar moment pas momenti pasi të gjitha skuadrat tona në të 27 njësitë nëpërmjet urbanistëve dhe administratorëve social janë duke vlerësuar nevojat dhe kërkesat e banorëve. Deri më tani numri I banesave të cilat janë prekur nga tërmeti apo përmbytjet e momentit të fundit ka shkuar në 1034. Jo të gjitha këto banesa janë të pajetueshme. Vetëm 54 prej tyre janë konsideruar nga teknikët sit ë pabanueshme dhe ne kemi evakuuar në mënyrë të menjëherëshme familjet, që të sigurohemi që mbi të gjitha që të gjithë familjarët të jenë ntë sigurt. Dhe pastaj ka dëme të tjera të cilat janë më të lehta por që janë duke u vlerësuar nga bashkia Tiranë.
Zonja Ruseti situate më e fundit nga përmbytjet në Tiranë. Në orët e para të mëngjesit jemi njoftuar për disa shkolla që janë të përmbytura. Deri në këtë orë që po flasim bashkë, cilat janë dëmet më të mëdha? Cili është bilanci më I përmbledhur nga reshjet në 24 orët e fundit?
Sigurisht që përmbytjet kanë afektuar disa nga institucionet, jo vetëm ato arsimore por edhe institucione të tjera edhe shtëpi. Prioriteti ynë ka qenë në mënyrë të menjëhershme të ndërhymë nëpër çerdhe kopshte e shkolla dhe sot në të gjitha shkollat e Tiranës është bërë e mundur që fëmijët të hyjnë dhe të fillojnë orët e mësimit normalisht përveç shkollës Sabaudin Dabrani, ku bashkia edhe pse është njoftuar në orët e para të mëngjesit dhe ka ndërhyrë në mënyrë të menjëhershme nuk ka qenë gati në orën 8 të mëngjesit porn ë 9. Dhe nuk ka asnjë rrezikshmëri për fëmijët dhe mësimi do të zhvillohet normalisht. Por nesër ajo do ti rikthehet sërish mësimit normalisht.
A jeni në gjendje ju të thoni pse shkolla Sabudin Dabrani, për të cilën siç dihet sapo është rikonstruktuar apo jo, erdhi në këtë gjendje?
Përmbytja e oborrit të shkollës nuk është lidhur me strukturën e shkollës është lidhur me reshjet e paprecedenta që kanë ndodhur në aq pak orë. Dhe sigurisht unë besoj se ajo që vlen më shumë për tu theksuar është mënyra imedjate se si ne I jemi përgjigjur kësja këkrese. Dhe sikundër u thashë në orën 9 në mëngjes shkolla ka qenë e gatshme. Por ka qenë një vlerësim I joni pasi është menaxhuar situata dhe njoftimi I drejtoreshës që mësimi të shtyhej vetëm për ditën e sotme.
