Ish-deputetja e Partisë Demokratike, Rudina Hajdari ka sjellë në kujtesë përjashtimin e saj nga çdo post në PD, pas vendimit të saj për të mos dorëzuar mandatin.
E ftuar në “Quo Vadis”, ajo deklaroi se asokohe shume njerëz brenda PD e kanë sulmuar në mënyrat më të shëmtuara të mundshme, madje edhe fizikisht.
“Kam patur përplasje me PD sepse u përjshtova nga PD pa një vendim kryesie. Unë isha jo vetëm deputete, por e bija e Azem Hajdarit, dhe askush nuk e ngriti gishtin për të thonë qoftë edhe një gjysmë fjale, përfshirë edhe Berishën. Sot ai është viktimë e krijesës së tij, ja ku po i ndodh e njëjta situatë. Unë isha në atë situatë. Jam përplasur me shumë njerëz që brenda PD më kanë fyer në mënyrat më të shëmtuara të mundshme, qoftë edhe fizikisht, askush nuk tha diçka për këtë.”
