Nënkryetari i Partisë Demokratike, Edmond Spaho e konsideroi vendimin për rifillimin e mësimi në universitete një akt kriminal. Sipas tij, me anë të këtij vendimi, qeveria po rrezikon jetën e pedagogëve dhe studentëve.
Në një deklaratë për mediat, Spaho bën përgjegjës kryeministrin Edi Rama se nuk ka strategji per daljen nga kriza dhe se vepron sipas tekave te tij, pa u konsultuar fillimisht me personelin akademik.
“Fermani i Edi Rames, qe u shpall me gojen e Besa Shahinit, per fillimin e mesimit ne auditoret e Universitetit, eshte ne rastin me te mire i papergjegjeshem dhe ne rastin me te rende, kriminal dhe me pasoja serioze per shendetin e studenteve dhe pedagogeve. Ai eshte tregues i qarte i menyres se si kjo qeveri po menaxhon kete krize kaq te madhe qe ka perfshire tere globin. Edi Rama nuk ka strategji per daljen nga kriza, ashtu sikurse nuk kishte ne fillimet dhe vazhdimin e saj. Ai me kokefortesi vepron sipas tekave te tij prej diktatori, pa konsultuar personelin akademik, drejtuesit e Universiteteve dhe studentet.”
Ai shprehet se asnjë universitet ne Europe nuk ka deklaruar rithirrjen e studenteve ne auditore, ndërsa shtoi se të gjithe po kalojne ne dhënien e provimeve online per vitin shkollor ne vazhdim.
“A do te mbajne pergjegjesi Edi Rama dhe Besa Shahini, ne perputhje me kodin e ri penal qe sapo miratuan, nese edhe nje student apo pedagog i vetem infektohet nga koronavirusi? Ministria e Arsimit e Shqiperise ne kundershtim me strategjine qe ka ndjekur deri me sot, duke mos garantuar asnje mase per mbrojtjen e pedagogeve dhe studenteve, duke mos ofruar asnje ndihme ndaj Universiteteve, me papergjegjshmeri vendos rihapjen e tyre.”
Spaho thekson se i njëjti veprim i “papergjegjshem dhe kriminal” qe po ndiqet me Universitetet, u ndoq me fasonet, duke ua lene atyre pergjegjesine e perhapjes se epidemise ne ambientet e punes.
“Por jo cdo gje behet nga padija, injoranca dhe kokefortesia. Kembengulja per te zhvilluar zgjedhjet per drejtuesit e te gjitha niveleve ne Universitete, tregon qellimin e vertete te kesaj qeverie te paturp. Pasi vodhen zgjedhjet e 30 Qershorit, pasi vodhen zgjedhjet ne Akademine e Shkencave, tani Edi me Besen, duan te vjedhin zgjedhjet ne te gjithe Universitetet e vendit, me metodan e ujkut ne mjegull, per te emeruar kudo sahanlepiresit e tyre.”
Ndërkohë, Edmond Spaho iu drejtua me një thirrje kryeministrit Rama dhe ministres Besa Shehini që të anulojnë vendimin për hapjen e universiteteve dhe të konsultohen me trupën pedagogjike, drejtuesit e universiteteve dhe studentet.
“Paralelisht me kete, te anullohet procesi i zgjedhjeve ne Universitete, si nje veprim i papergjegjshem dhe flagrat i shtrirjes se pushtetit monist edhe ne Universitete dhe ti zhvilloje zgjedhjet vetem kur vendi dhe sistemi arsimor te kete hyre ne normalitet.”
