Të hënën kryeministrit Edi Rama pritet të publikojë një plan për të rinisur kthimin e shqiptarëve në Shqipëri. Rama u shpreh në “Facebook” se riatdhesimi do të kryhet duke qenë se kurba e infeksioneve të reja po bie, por me rregulla të rrepta.
“? DUKE JU KËRKUAR 1000 HERË NDJESË TË GJITHË ATYRE QË JANË REZIDENTË NË SHQIPËRI DHE PËR ARSYEN MADHORE TË MBROJTJES SË POPULLIT E TË VENDIT TONË NGA AGRESIONI I ARMIKUT TË PADUKSHËM, KANË MBETUR JASHTË KUFIJVE TË MBYLLUR, SI EDHE DUKE U NISUR NGA MBAJTJA NËN KONTROLL E KURBËS SË INFEKSIONIT DERI TANI, JEMI GATI TË PUBLIKOJMË TË HËNËN PLANIN E NJË HAPJEJE SHUMË GRADUALE TË RRUGËS SË RIATDHESIMIT, ME KUSHTET PËRKATËSE DETYRUESE TË KARANTINIMIT 14 DITOR, NËN RREGULLA TË FORTA SIGURIE!”
Shefi i qeverisë u kërkon shqiptarëve të bëjnë edhe pak durim për të mbrojtur jetë.
“? DUKE I MIRËKUPTUAR TË GJITHA ANKESAT E MADJE EDHE SHARJET E FYERJET, PËR MBYLLJEN E PLOTË TË KUFIJVE DHE ME BINDJEN SE EDHE ATA, QË NUK PËRMBAHEN FARE NË MALLKIMET QË LËSHOJNË, E KUPTOJNË SE MASA EKSTREME E NDALIMIT PËR T’U KTHYER NË KËTË FAZË, DIKTOHET NGA INTERESI JETIK I MBROJTJES SË SHËNDETIT TË POPULLIT SHQIPTAR, U LUTEM TË GJITHËVE TË BËJNË EDHE PAK DURIM?”
Rama tha në fund të postimit se nuk duhet kurrsesi që kjo luftë të humbet në këtë moment. Sipas tij, është momenti që gjithsecili të bëjë detyrën e tij ndaj atdheut.
