Këshilli i Ministrave do të mbajë të hënën në orën 09:00 mbledhjen e radhës nën drejtimin e kryeministrit Edi Rama. Burime për “Vizion +” bëjnë me dije se kjo mbledhje qeverie do të zhvillohet në Golem.
Sipas informacioneve, gjatë mbledhjes do të bëhet bilanci i punës për vitin 2019 që po lemë pas. Burimet thonë se ministrat do të raportojnë para kryeministrit Edi Rama për përmbushjen e objektivave dhe të gjithë punët e kryera gjatë këtij viti.
Kjo mbledhje vjen vetëm pak ditë pasi mazhoranca miratoi në Parlament buxhetin për vitin 2020.
Një pjesë e mirë e këtij buxheti do të shkojë për rindërtimin e banesave të shkatërruara nga tërmeti i 26 Nëntorit.
Përveç buxhetit, qeveria ka mbledhur edhe disa donacione që po ashtu do të shfrytëzohen për rindërtimin e shtëpive që u prekën nga lëkundjet e forta të tokës.
