Nëpërmjet një foto të kapur nga lart që tregonte numrin modest të studenteve të mbledhur para kryeministrisë edhe këtë të shtunë, kryeministri Rama ka akuzuar se një grup të rinjsh të sponsorizuar nga partite politike po pengojnë dialogun që I shërben mijëra studenteve në të gjithë vendin.
Rama shkruan se përgjithësisht dialogut I ajnë trembru qeveritë por ska bërë kurrë vaki të tremben studentet, ndonëse ai është I bindur se ata nuk I tremben dialogut por presioneve kundër dialogut.
Ai akuzon një pjesë të rinjve se ia kanë shitur shpirtin politikës më të mbrapshtë. Por gjithsesi edhe kjo gjë nuk do ta pengojë dialogun që do të zhbllokohet shumë shpejt për ti hapur rrugën një kapitulli të ri për Universitetin.
Pak minuta pas postimit në instagram, Rama ka shtuar edhe një tjeter postim në twitter ku thotë se kjo farsë e orkestruar për të marrë peng protestën, me shpresën e devijimit të saj në revoltë politike, s’mund ta mbajë edhe për shumë gjatë në këmbë barrikadën absurd.
Një grusht njerëzish që përsërisin qorrazi avazin kundër Dialogut, mbajnë peng mijëra studentë që duan dhe meritojnë jo vetëm adresimin e 8 pikave, po një transformim të thellë brenda Universitetit, përmes një Pakti me Qeverinë! Historia tregon për shumë raste kur Dialogut i janë trembur qeveritë, po s’ka bërë vaki kurrë që t’i tremben studentët dhe studentët sot në fakt, nuk i tremben Dialogut, po presioneve kundër Dialogut, sharjeve e fyerjeve ndaj kujtdo që kërkon Dialog, të cilat porositen nga partitë përmes studentësh që i’a kanë shitur shpirtin politikës më të mbrapshtë. Sidoqoftë farsa e kësaj barrikade absurde kundër Dialogut, s’ka për të zgjatur sa ka zgjatur. Dialogu do zhbllokohet, Arsyeja do fitojë dhe së bashku ne do të hapim një kapitull të ri për Universitetin.
