Presidenti Vladimir Putin është i hapur për paqe në Ukrainë dhe po zhvillohet njëp unë intensive me Shtetet e Bashkuara, por konflikti është aq i ndërlikuar sa që përparimi i shpejtë që dëshiron Uashingtoni është i vështirë të arrihet.
Kështu ka deklaruar zëdhënësi i Kremlinit, Dimitry Peskov sot, një ditë pasi SHBA përsëriti se mund të largohej nga negociatat nëse nuk do të ketë rezultate.
“Vladimir Putin është gati për propozime mbi këtë çështje dhe Moska e kupton që SHBA-të duan të arrijnë rezultate të shpejta në këtë proces. Por shkaqet rrënjësore të krizës ukrainase janë shumë komplekse për t’u zgjidhur brenda natës. Ka shumë nuanca që duhen marrë në konsideratë. Një marrëveshje paqeje duhet të lidhet me Ukrainën, jo me Amerikën”, tha Peskov.
Ai vuri në dukje se Putini kishte shprehur gatishmëri për bisedime të drejtpërdrejta me Ukrainën, por se ende nuk kishte pasur asnjë përgjigje nga Kievi.
Ndërsa më herët presidenti ukrainas Volodymir Zelenksy ka thënë se përparimi në zgjidhjen e luftës varet nga Rusia që ndërmerr hapin e parë për të rënë dakord për një armëpushim pa kushte.
Çështja e fundit që solli një pengim të bisedimeve për paqe ishte mospranimi nga ana e Ukrainës që SHBA të njihte si territor rus gadishullin e Krimesë./vizionplus.tv
