Kreu i sindikatës më të madhe të fermerëve në Francë, FNSEA, konfirmoi sonte se protestat do të vazhdojnë, pavarësisht njoftimeve të mëparshme të kryeministrit që premtoi zbatimin e planeve për përmirësimin e kushteve të punës dhe të jetesës së fermerëve.
“Ajo që u tha sonte nuk e qetëson zemërimin, duhet bërë më shumë ”, tha Arnaud Rousseau për kanalin televiziv francez TF1.
“Kemi vendosur të vazhdojmë mobilizimin”, shtoi ai.
Më herët, qeveria franceze braktisi planin e saj për të hequr subvencionet shtetërore për karburantin bujqësor pasi fermerët rrethuan Parisin dhe kërcënuan të hynin në kryeqytet me traktorët e tyre.
Megjithatë, Ruso tha se premtimet e bëra nga kryeministri Gabriel Attal ” nuk përmbushën të gjitha pritshmëritë tona “, megjithëse në disa fusha, si në çështjen e karburantit “ato janë në drejtimin e duhur”.
Vazhdimi i mobilizimeve ishte “një vendim i vështirë por i domosdoshëm”, përfundoi ai.
