Në cilësinë e kreut të OSBE-së, kryeministri Edi Rama ka kërkuar një takim me qeverinë dhe opozitën në Bjellorusi për të zgjidhur situatën e krijuar, pas tensioneve të përshkallëzuara të nxitura në zgjedhjet e fundit që nxorën fitues Aleksandër Lukashenkon.
“Ne ritheksojmë shqetësimet tona për sjelljen e zgjedhjeve presidenciale në 9 gusht 2020, të cilat nuk mund të vëzhgohen nga Zyra e OSBE-së për Institucione Demokratike dhe të Drejtat e Njeriut, dhe përdorimi jo proporcional i forcës kundër protestuesve paqësorë, ndalimet e përhapura dhe torturat dhe keqtrajtimet e supozuara nga forcat e sigurisë.”
Kryesia e OSBE-së thekson domsdoshmërinë e një dialogu të hapur dhe konstruktiv për të gjetur një rrugëdalje në Bjellorusi.
“OSBE-ja është e gatshme ta mbështesë këtë dhe të angazhohet me të gjithë aktorët e interesuar. Prandaj, një ofertë zyrtare është paraqitur në qeverinë e Bjellorusisë për një vizitë nga Kryetari i Zyrës së OSBE-së, Kryeministri dhe Ministri për Evropën dhe Punët e Jashtme të Shqipërisë, Edi Rama, dhe Kryetari i ardhshëm i OSBE-së, Ministri i Punëve të Jashtme të Suedisë, Ann Linde – të takohet me qeverinë dhe përfaqësuesit e opozitës. Kryesia e OSBE-së rithekson nevojën urgjente për pajtim të plotë me parimet dhe angazhimet e OSBE-së, përfshirë promovimin dhe mbrojtjen e lirive themelore dhe të drejtave të njeriut, dhe respektimin e sovranitetit dhe integritetit territorial.”
Këto zhvillime vijnë pasi kandidatja e opozitës, Svetlana Tikhanovskaya ka kundërshtuar publikisht rezultatet e zgjedhjeve presidenciale të 9 gushtit, teksa insiston se nëse votat do të numëroheshin si duhet, ajo do të fitonte 60 -70 për qind të përkrahjes qytetare.
