Dëshmia në polici e pronarit lokalit në ish-bllok ku ndodhi krimi të enjtes në mbrëmje, Redi Popeski pritet të jetë e rëndësishme sa I takon hetimeve në lidhje me këtë ngjarje të rëndësishme me1 të vdekur dhe 2 te plagosur. Deklaratat e dhëna nga Redi Popeski pas ngjarjes tregojnë sipas tij se Ervin Mata i kishtë kërkuar leje pronarit të këtij lokali që aty të futej Ervis Martini në mënyrë që ata të sqaroheshin për një konflikt që kishin pasur disa ditë më parë për Elvana Gjatën.
“Para se të vinte Ervis Martinaj, mua më tha Ervin Mata, nëse e kisha problem që ai të vinte tek lokali im. I thashë se nuk kishte problem, pasi Martinajn e kisha të njohur. Dua të sqaroj se të dy këta persona, si Ervin Mata dhe Ervis Martinaj u takuan normalisht dhe nuk dhanë asnjë shenjë për konflikt. Pra u takuan miqësisht dhe nuk kishin tendencë që të tregonte se situata do agravonte siç ndodhi”.
Sipas Popeskut, fillimisht ka pasur një zënke mes truprojes se Elvana Gjatës, pra komandos Melviol Bilo dhe Fabjol Gaxhës që ishte truproja e Ervis Martinit.
Pas përplasjes me sende të forta, Redi Popesku tha se Fabjol Gaxha kishte nxjerre armën por komando Melviol Bilo kishte reaguar dhe situata më pas dëgjeneroi ne viktima dhe të plagosur.
