Një aksident i rëndë rrugor është regjistruar në aksin kombëtar Librazhd–Elbasan, ne Xibrakë ku disa automjete janë përplasur mes tyre në rrethana ende të paqarta.
Sipas informacioneve paraprake, në aksident janë përfshirë të paktën katër automjete, ndërsa nga përplasja e fortë kanë mbetur të plagosur gjashtë persona,të cilët janë transportuar me urgjencë drejt spitalit për të marrë ndihmën mjekësore.
Burime nga vendngjarja bëjnë me dije se një shtetas i huaj ka humbur jetën , por ende nuk ka një konfirmim zyrtar nga autoritetet.
Forcat e policisë dhe grupet e emergjencës ndodhen në vendin e ngjarjes dhe po punojnë për zbardhjen e plotë të rrethanave të aksidentit, si dhe për normalizimin e qarkullimit në këtë segment rrugor.
/vizionplus.tv
