Një plagosje me armë zjarri është regjistruar mesnatën mes të premtes dhe të shtunës në Fier.
Ngjarja ka ndodhur rreth orës 00:30, në lagjen Mbrostar-Ferko, ku në banesën e tezes së tij, është plagosur me armë zjarri në krahë shtetasi N.Xh, 50 vjeç, banues në Vlorë.
Ky shtetas ndodhet në spital nën kujdesin e mjekëve jashtë rrezikut për jetën.
Autorët dyshohet se janë larguar me një mjet tip “Benz” i cili pak minuta më vonë u gjet i djegur në aksin rrugor Fier-Levan, në vendin e quajtur “Rrethrrotullimi i Levanit”.
