Zv.ministri i Financave, Besart Kadia deklaroi në edicionin qendror të lajmeve në “Vizion Plus” se taksat për biznesin e vogël dhe tatimi mbi të ardhurat personale do të rishikohen. Ai përsëriti se qeveria po planifikon të ndryshojë skemën e progresivitetit të taksës, duke nënvizuar se shqiptarët që marrin deri në 400 mijë lekë në muaj, nuk do të taksohen.
“Kjo është një temë që rikthehet në vëmendjen e publikut vetëm kur jemi përballë zgjedhjeve. Ekonomia ka ligjet e veta, nuk mund të bëhen interpretime vetëm me qasje politike. Të dhënat e këtyre 8 viteve, duket sikur pabarazia është një nga shqetësimet kryesore që kanë sot shqiptarët. Në kushtet ku jemi, padyshim që taksat për biznesin e vogël, tatimi mbi të ardhurat personale do të rishikohet, ku pragu synohet të jetë më i larë nga ç’është aktualisht; dikush deri në 30 mijë lekë të ardhura mujore, sot paguan 0 për qind, në muajt e ardhshëm mund të shkojnë në 40 mijë lekë. Vetëm ky hap do të përjashtojë mbi 73 mijë qytetarë në këto muajt, e që vjen nga pagimi i tatimit mbi të ardhurat personale. Synon t’iu mbetet më shumë para qytetarëve në xhep. Koeficienti gini merr parasysh ekstremet e shoqërisë. Shqipëria ka vite që nuk e ka këtë pabarazi, krahasuar me vendet e rajonit, të cilët e kanë më të lartë këtë koeficient dhe përdorin taksën e sheshtë. Ëshë një indikator që vërteton se sa ëshë krijuar hendeku në shoqëri. Shqipëria ka padyshim qytetarë, janë bërë më të pasur , por janë edhe politika të tjera. Synimi është: teksa shoqëria ecën përpara, padyshim që do të bëhen të pasur, por mos të mbeten prapa edhe ata që janë më pak të kualifikuar apo kanë pagë më të ulët. Taksa progresive ndërtohet për të mënjanuar pabarazinë.”
Sipas tij, përmirësimi i shërbimeve publike në të ardhmen, do të mënjanojë procedurat korruptive, duke theksuar se qytetarët nuk do të kenë mundësi që të përballen me zyrtarët dhe të ofrojnë para.
Sa i përket planit ekonomik të PD-së, Kadia e konsideroi të parealizueshëm.
“Shumica e premtimeve, objektivave se si duhet të jetë Shqipëria, me faturë financiare janë të parealizueshme, në kohën kur jemi në kushte pandemie dhe tërmeti. Nuk mund të pretendosh pa ezauruar këto problematika, të ofrosh një plan jorealist. Më duket si një buxhet jo praktik për ato që janë probleme ekonomike shqiptare sot.”
