Sekretari i Thesarit të SHBA-ve, Scott Bessent, tha sot (22 prill) se vendimi i administratës për të lejuar shitjen e naftës ruse dhe iraniane të ruajtur në cisterna për një muaj, u mor pas kërkesave nga vendet e cenueshme që janë goditur rëndë nga mungesat e shkaktuara nga bllokada e Ngushticës së Hormuzit.
Gjatë seancës dëgjimore në komisionin e Senatit, Bessent tha se kërkesat u bënë nga udhëheqës biznesi nga rreth 10 vende, gjatë takimeve pranverore të Fondit Monetar Ndërkombëtar (FMN) dhe Bankës Botërore në Uashington.
Sekretari i Thesarit të SHBA-së komentoi gjithashtu vlerësimet se Irani ka fituar më shumë se 14 miliardë dollarë për shkak të pezullimit të sanksioneve, duke i quajtur ato “trillime”, pa dhënë ndonjë shifër tjetër.
