Eksperti i arsimit në Partinë Demokratike, Ndriçim Mehmeti, akuzoi qeverinë se po grumbullon mësuesit në kohë pandemie, duke u shndërruar kështu në rrezik për përhapjen e infeksionit.
Ai tha në “Facebook” se mazhoranca nuk është dot e aftë të nxjerrë online pikët e mbledhura nga mësuesit për provimin e kualifikimit.
“Shpikja e re e qeverisë Rama dhe MASR, në kohë pandemie. Në kulmin e pandemisë qeveria Rama dhe MASR kishin një plan të mirëmenduar; zgjedhje në univeristete me piesëmarrje masive dhe provimi i kualifikimit me pjesëmarrjen e mijëra mesuesve. Por nuk u ndalën me kaq. Për të marrë pikët e provimit, mësuesit duhet të grumbulloheshin masivisht në dyert e Zyrave Vendore Arsimore për të marrë pikët e provimit në kundërshtim me Aktin Normativ e nxjerrë nga vetë qeveria. MASR mburret se do të bëjë mësim online për 650 mijë e më shumë nxënës e studentë dhe nuk nxjerr dot online pikët e provimit për mësuesit. Kjo është shpikja më e re për të ruajtur shëndetin e mësueve tanë.”
