Këshilltari presidencial në Turqi, Yasin Aktay beson se trupi i gazetarit të vrarë, Jamal Khashoggi është tretur në acid pasi fillimisht është gjymtuar.
Sipas tij “përfundimi i vetëm logjik” është që ata që kanë vrarë gazetarin saudit në Stamboll kanë asgjësuar trupin e tij “për të mos lënë asnjë gjurmë mbrapa vetes”.
Khashoggi, kritik i udhëheqësisë saudite është vrarë brenda konsullatës saudite në Stamboll më 2 tetor.
Këto pretendime kanë ardhur pasi e dashura e Khashoggit, Hatice Cengiz, u ka bërë thirrje liderëve botërorë “të sjellin kryesit e kësaj vepre para drejtësisë” në një editorial të publikuar në pesë gazeta të mirënjohura, duke përfshirë, Guardian dhe Washington Post.
Nga ana tjeter princi saudit i kurorës, Mohammed bin Salman u ka thënë Shteteve të Bashkuara se Khashoggin e ka konsideruar islamist të rrezikshëm.
Khashoggi, i cili ka jetuar në Shtetet e Bashkuara dhe ka shkruar komente për Washington Postin, ka shkuar se konsullatën saudite në Stamboll më 2 tetor për të siguruar disa dokumente, dhe me pas eshte zhdukur. Trupi i tij ende nuk eshte gjetur.
Riadi fillimisht ka kundërshtuar të ketë pasur ndonjë rol në zhdukjen e tij, mirëpo nën presion të autoriteteve turke ka identifikuar 18 të dyshuar në këtë rast nderkohe qe Turqia ka kërkuar ekstradimin e tyre në Turqi për t’u gjykuar./R.E.L
