Pas betejës me flakët, shuhet zjarri në grykëderdhjen e Semanit

Janë shuar vatrat e zjarrit që përfshinë zonën e grykëderdhjes së lumit Seman, në qarkun e Fierit.

Pas ndërhyrjes së forcave zjarrfikëse, flakët janë neutralizuar dhe situata në zonë paraqitet e qetë.

Vatrat e zjarrit u shfaqën gjatë ditës në masivin pyjor të Semanit, ndërsa era e fortë favorizoi përhapjen e flakëve dhe vështirësoi ndërhyrjen e ekipeve në terren.

Shërbimet zjarrfikëse vijojnë monitorimin e zonës për të shmangur çdo riaktivizim të mundshëm të flakëve.

/vizionplus.tv