Një yll izraelit i futbollit që luante në Greqi u arrestua të martën në Athinë pasi dyshohet se ka kryer akte të pahijshme seksuale ndaj një të mituri.
Lojtari 33-vjeçar i Klubit të Futbollit të Volos, Boris Klaiman, një ish-portier i kombëtares izraelite, ishte në mesin e gjashtë personave të ndaluar në një klub nate në Athinë dhe iu gjet në posedim 1.5 gram heroinë, sipas raporteve të lajmeve lokale.
Policia greke kreu arrestimet pasi një turist adoleshent belg paraqiti një ankesë kundër Klaiman. Katër turistë të tjerë belgë hynë në një përleshje të dhunshme me të dyshuarin izraelit, me sa duket i shkaktuar nga akti i pahijshëm. Policia më pas arrestoi të pestë së bashku me një të dyshuar grek, raporton media greke Protothema.gr.
Presidenti i Volos Achillea Beos njoftoi më vonë të martën se ekipi po ndërpret lidhjet me Klaiman, duke thënë se kishte zero tolerancë për akuzat në fjalë. Beu tha se lojtari izraelit i kishte kërkuar ekipit t’i siguronte një avokat, por ai refuzoi ta bënte këtë.
Klaiman është përballur me ndjekje penale dhe po përpiqet me ndihmën e avokatit të tij, Panagiotis Papadopoulos, të rrëzojë akuzat për përdhunim dhe të ndërtojë linjën e tij të mbrojtjes, ndërsa në dosjen e dorëzuar priten rezultatet e ekspertizës mjeko-ligjore të nxënëses së mitur nga Belgjika.
Vajza e re pohoi se portieri 32-vjeçar i Volos fillimisht ka bërë gjeste të turpshme dhe më pas e ka sulmuar seksualisht në lokal.
