Trageti i linjës Vlorë–Brindisi, i cili ka mbërritur në orën 07:30 të mëngjesit të sotëm, nuk ka mundur të ankorohet në port për shkak të kushteve të vështira atmosferike.
Era e fortë dhe dallgët e larta e kanë detyruar mjetin lundrues të qëndrojë në radë, në pritje të një momenti të favorshëm për manovrim.
Autoritetet portuale bëjnë me dije se, nëse kushtet e motit përmirësohen, trageti do të kryejë ankorimin e planifikuar.
Megjithatë, ai duhet të nisë sërish udhëtimin drejt Brindisit, pasi situata detare pritet të përkeqësohet në orët e pasdites.
Ndërkohë, kapitaneria është në gatishmëri dhe po ndjek nga afër zhvillimet në det, për të marrë vendimin më të sigurt në lidhje me lëvizjen e tragetit dhe menaxhimin e situatës në port./vizionplus.tv
