Presidenti Ilir Meta ka reaguar lidhur me situatën e zgjedhjeve në universitet publike, të cilën e silësoi një një proces tejet të rëndësishëm për të rinovuar autoritetet e reja dhe organet drejtuese të Institucioneve të Arsimit të Lartë në Shqipëri.
Sipas Metës, ky proces i ri zgjedhor duhet të mishërojë parimet kushtetuese dhe bën thirrje q të të zhvillohet në përputhje me ligjin dhe aktet e tjera nënligjore, ndërsa kërkon transparencë e gjithëpërfshirje.
“Në kushtet specifike në të cilat ndodhemi, është shumë i rëndësishëm angazhimi dhe bashkëpunimi i të gjithë aktorëve dhe institucioneve që kanë përgjegjësi në këtë proces. Është detyrë e tyre të harmonizojnë të gjitha veprimet dhe aktet rregullatorë, në mënyrë që ky proces i ri zgjedhor të garantojë pavarësinë, autonominë, konkurrencën e lirë, transparencën dhe integritetin për të arritur një rezultat të gjithëpranuar dhe për të përmbushur objektivat e Arsimit të Lartë në Shqipëri.”
