Lionel Messi vazhdon të shkruajë historinë në futbollin amerikan. Në sfidën mes Inter Miamit dhe Atlanta United, e cila përfundoi me rezultatin 2-2, ylli argjentinas vendosi një tjetër rekord personal dhe të rëndësishëm në MLS.
Argjentinasi u bë lojtari i parë në historinë e MLS-së që kontribuon me të paktën 30 gola në tre sezone radhazi. Në këtë statistikë përfshihen golat dhe asistet, ndërsa këtë sezon argjentinasi ka regjistruar 18 gola dhe 12 asistime.
Në përballjen ndaj Atlanta United, Messi ishte protagonist në të dy golat e Inter Miamit. Fillimisht, ai ekzekutoi një goditje nga këndi dhe shërbeu për Casemiron, i cili realizoi golin e parë të takimit.
Më pas, Messi ishte i përfshirë edhe në aksionin që solli golin e dytë të Inter Miamit, të shënuar nga Luis Suarez.
Edhe pse Messi nuk dha pasimin e fundit për golin e uruguaianit, MLS ia ka atribuar atij asistin. Arsyeja është sistemi statistikor i përdorur në kampionatin amerikan, i cili mund të vlerësojë edhe lojtarin që nis aksionin e golit dhe jo vetëm futbollistin që jep pasimin final.
Barazimi 2-2 ndaj Atlanta United nuk ishte rezultati që kërkonte Inter Miami, por për Messin nata ishte sërish historike. Argjentinasi vazhdon të thyejë rekorde dhe të vendosë standarde të reja në MLS, edhe në fazën e fundit të karrierës së tij.
/vizionplus.tv
